பயன்பாட்டு விதிமுறைகள்

செப்பம் என்ன தருகிறது

செப்பம் தமிழ் உரையில் எழுத்து, சந்தி, இலக்கணப் பிழைகளைச் சுட்டிக்காட்டி மாற்றுகளைப் பரிந்துரைக்கும் இலவசக் கருவி. அது ஒரு துணை மட்டுமே; அதன் பரிந்துரைகள் எப்போதும் சரியாக இருக்கும் என்று உறுதியளிக்க முடியாது. ஏற்பதா வேண்டாமா என்பதை நீங்களே முடிவு செய்கிறீர்கள்; உங்கள் உரைக்கு நீங்களே பொறுப்பு. தேர்வு, சட்டம், மருத்துவம் போன்ற முக்கியமான ஆவணங்களுக்கு, அறிந்தவர் ஒருவரைக் கொண்டு மீண்டும் சரிபார்த்துக்கொள்ளுங்கள்.

இலவசம்

செப்பம் இலவசம்; விளம்பரம் இல்லை. வசதிகளைச் சேர்க்கவோ மாற்றவோ நிறுத்தவோ எங்களுக்கு உரிமை உண்டு; பெரிய மாற்றம் என்றால் தளத்தில் முன்கூட்டியே தெரிவிப்போம்.

உங்கள் கணக்கு

• ஒருவருக்கு ஒரு கணக்கு. உங்கள் மின்னஞ்சலைப் பாதுகாப்பாக வைத்திருங்கள் — உள்நுழைவுக் குறியீடுகள் அங்குதான் வரும்.
• தவறான பயன்பாடு இருந்தால் கணக்கை இடைநிறுத்தலாம்.
• எப்போது வேண்டுமானாலும் கணக்குப் பக்கத்தில் உங்கள் கணக்கை நீக்கலாம்.

முறையான பயன்பாடு

• தானியங்கி நிரல்கள் மூலம் பெருமளவில் கோரிக்கைகள் அனுப்புவது, சொல் பட்டியலை மொத்தமாகப் பிரித்தெடுப்பது, தளத்தைச் சீர்குலைக்க முயல்வது கூடாது.
• பரிந்துரைகளில் சட்டத்துக்குப் புறம்பான, புண்படுத்தும், பிறரின் தனிப்பட்ட விவரங்களைக் கொண்ட உள்ளடக்கம் கூடாது.

உங்கள் உள்ளடக்கம்

நீங்கள் எழுதுவது உங்களுடையது; அதை நாங்கள் சேமிப்பதில்லை. நீங்கள் பரிந்துரைக்கும் சொற்களை, எல்லோருக்குமான செப்பம் சொல் பட்டியலில் சேர்த்துப் பயன்படுத்த ஒளியோன் ஆய்வகத்துக்கு அனுமதி அளிக்கிறீர்கள்.

சொல் பட்டியலின் ஆதாரங்கள்

• கணியம் அறக்கட்டளையின் ‘all_tamil_words’ சொல் எண்ணிக்கைகள் — பொதுக் களம் (Public Domain).
• Hermit Dave தொகுத்த OpenSubtitles 2018 தமிழ்ச் சொல் எண்ணிக்கைகள் — CC BY-SA 4.0.
• Open-Tamil திட்டத்தின் சொல் பட்டியல்கள் (தமிழ் இணையக் கல்விக் கழக அகராதித் தலைச்சொற்கள் உட்பட) — MIT.
• AI4Bharat Sangraha தமிழ்த் தொகுப்பிலிருந்து கணக்கிட்ட சொற்கள், அடுத்தடுத்து வரும் சொற்கள் ஆகியவற்றின் எண்ணிக்கைகள் — CC BY 4.0.

இவற்றை உருவாக்கியவர்களுக்கு எங்கள் நன்றி.

பொறுப்பு வரம்பு

செப்பம் ‘உள்ளது உள்ளபடி’ வழங்கப்படுகிறது. சட்டம் அனுமதிக்கும் அளவுக்கு, அதன் பரிந்துரைகளை நம்பியதால் ஏற்படும் இழப்புக்கு ஒளியோன் ஆய்வகம் பொறுப்பேற்காது.

சட்டமும் தொடர்பும்

இந்த விதிமுறைகள் இந்தியச் சட்டத்துக்கு உட்பட்டவை; சென்னை நீதிமன்றங்களுக்கே அதிகார வரம்பு. கேள்விகளுக்கு connect@oliyon.in முகவரிக்கு எழுதுங்கள்.